سياسة الخصوصية
آخر تحديث: أكتوبر 2026
الصفحة دي بتقول بنجمع إيه، وليه، وفين بيتحفظ، وإزاي تطلب مسحه. كلام بسيط من غير لف.
بنجمع إيه
- لما تكلمني على الواتساب: رقمك واللي بتكتبه في الرسالة. ده بيفضل في الواتساب بتاعي بس.
- لو وافقت على الكوكيز بس: بيانات زيارتك لـMeta وGoogle (Pixel وGA4)، عشان نعرف الإعلانات جايبة نتيجة ولا لأ.
ليه
عشان نتفق على الكول أو الـAudit، وأبعتلك تفاصيل الدفع، وأجهّز للشغل. مش ببيع بياناتك ولا بشاركها مع حد عشان يعلن لك.
بتتحفظ فين
الرسايل على WhatsApp، على الموبايل بتاعي. الموقع شغال على Vercel.
الكوكيز
مفيش أي كوكيز تتبّع بتشتغل قبل ما توافق. بنحفظ اختيارك في كوكي اسمها bkm_consent. لو وافقت، Meta بتحط _fbp و_fbc، وGoogle بتحط _ga.
بنحتفظ بيها قد إيه
طول ما هي لازمة للغرض اللي اتجمعت عشانه، وتقدر تطلب مسحها في أي وقت.
عايز تمسح بياناتك؟
ابعتلي على الواتساب واكتب إنك عايز تمسح بياناتك، وهمسح المحادثة خلال 7 أيام.